Canzoni folkloristiche San Lorenzello – prima parte

In questo articolo, primo di una serie , troverete parte della raccolta di canzoni popolari che rappresentano e raccontano il nostro amato paese San Lorenzello.

  • Nustalgia d’i paes – PDF
  • E’ nata ‘na uagliona – PDF
  • Fraulina sta malata – PDF

 

Nustalgia d’i paes

Sant’ Laurenz mij

I penz semp a te

M’aiauz a matina

N’veu Muntruan

M’ stregn i còr m’pett

E chiangu com’a n’uaglion

E uògl e uògl

E uogl turnà a te

 

A sera i ross ‘mmez a chiazza

Iucaun ‘nnanz a i cafè

E nuia uagliun dent’a i cumvent

Pazziavam a spaccastromm’la e a campana

Quant’era begl i nou aust a sera

Quand’i Santòn asciva da i cumvent

E a mus’ca sunava, l’ bott c’ faceun tr’mà

E cu l’ man s’scavaun i craùn

 

Dent’ a stagion ‘nnanz a l’putech

Sunaun chitarr e manduglin

E chi fiscava e chi cantava

E tutt’era n’allegria

Pur si s’ puzzaun d’a fam

E tutt’era n’allegria

Pur si s’puzzaun d’a fam

 

Sant’ Laurenz mij …

 

E chi s’scorda d’chella maidunata

Ch’a glid’m d’ gl’ann s’purtava

E s’v’veva e s’magnava struff’l e castagn n’cumpagnia,

e quand’a nott sott’a na f’nestra

tutti uniti noi canteremo

sta bella s’rnata e i cuarr senza ròt s’ntunava

padrò mitt’c abbeu s’agliuccava

 

Ma cacche cos’ è mò cagnata

Pur’a prec’ hann scassata,

T’tern tropp spiss st’ass’ccat’

Eppur stu paes è begl assaij:

cuntent i c’torn tutt’gl’ann

e m’ n’ vau trist e scunsulat

 

Sant’ Laurenz mij… (due volte)

 

E’ nata ‘na uagliona

I’ vint’nou giugn’,

quand’ ‘l ran’ era matur’, e trullallà,

viva gl’amor’ e chi ‘i sap’ fa.

E’ nata ‘na uagliona cu ros’ e sciur’ mman’,

n’n’era d’a città e mancu d’i’ paes’, e trullallà,

viva gl’amor’ e chi ‘i sap’ fa.

 

E’ nata dentr’i’ uosch’ v’cin’a T’tern’

V’cin’ a T’tern’ com’è cchiù begl’sta, e trullallà,

viva gl’amor’ e chi ‘i sap’ fa.

 

E’ nata ‘na uagliona cu ros’ e sciur’ mman’,

 

e trullallà

 

Fraulina sta malata

Oh, che Pasqua disgraziata!

Oh, che Pasqua disgraziata!

Cu l’ chiocch’la d’ l’òua

hann r’nfurzat’ a via:

a Pruìncia l’ha lassata

e i’ Cumùn’ l’ha pigliata.

 

Fraulina sta malata, tutta chiena d’ dulur’,

ha bisogno del dottore

per poterla visitar.

Fraulina che uò fa,

fraulina che uò fa,

si tant bella, m’ fai m’pazzì.